Lévé lévé marmaille
Sizèr la fini soné
Bondié soulien la fine arrivé
Dann’ ciel là haut

Prend un grand bain maille pas
Surtout lave bien out chévé
Mette le pli joli linge ou néna
Nou sa prié Bondié

Mette out’ deux mains ensanm’
Promié pou alé war
A li même bondié l’éléphant
Vinayéga

Un ‘ti tour dans le sens la montre
Viboudhi dann’ milié le front
Tourne out plateau 3 fois
Bénédiction bondié ou nora

Refrain :
Alala sat’ li di a mwin tout l’temps
Ce ti fanm là y tienbo ensanm’
Toujours son ti main y tienbo la corde tel
Pou rale bondié là
Cost’ cost’ pas li ek zot parapluie
Ni le vent ni soleil y fé pèr mon mamie
Toujours son ti main y tienbo la corde tel
Pour rale bondié là

 

Lévé lévé marmaille
Descend’ chemin alé veillé
Si bondié la pas loin arrivé
Coté Chemin D’Eau

Dépêche a zot, maille pas
Casse feuille bétel dans l’allée
Oublie pas mon plateau flèr gréné
Pou fane dessus bondié

Mon sceau l’eau safran
Mon ti bout’ camphre allumé
Va rest’ zis mon coco pou cassé
Avant tombe dans son pied

Le prêtre y largue son prière
Alala mon kèr y grossi
Quand mi pense dans la famille
Néna y lutte ek la maladie