Album Karma

Eclipse

Ou koné bien nout’ dé ou
Lé pareil la lune ek soleil
Chacun’ y fé son vie de son coté
Même si au fond zot lé lié

Tout l’temps nou la pou joué
Nou cour un’ derrière l’autre
Y faut bien un jour un’ entre nout dé ou
Y giny’ poz la min su l’autre

Refrain : 
Aou ansanm mwin
C’était pas une évidence
Entre ou et mwin
Néna beaucoup de différences
Aou ansanm mwin
Lé pas facile tous les jours
Ou rode a mwin mi rode a ou
Incessement…

Ou koné bien nout’ dé ou
Lé pareil la lune ek soleil
Mais la magie y existe
Rien n’est impossible
Agarde dann’ ciel néna l’éclipse

Même si nous voit pas nous souvent
Nous koné na poin rien y change
Nout zistoire sera discret
Dis pas personne nout secret
Fo nous tienbo faut pas largué

Refrain

 

Karma

Bonpé y dit la roue y tourne
Y dit bondié y puni pas galet
Mi na bien l’impression l’univers y retient toute
Y marque toute dann’ son carnet

Si aujourd’hui ou ri
Fais attention! Demain ou pé pléré
Selon nout’ band’ z’action
Le bon comme le mauvais
Nout karma y peut changer

Refrain : 
Nou koné pas nout’ karma
Ni de quoi demain lé fait
Seul zafair que nou koné
C’est qu’un jour nou doit alé
« Va où tu veux, meurs où tu dois »
Seulement oubli pas laisse out trace

Si défois ou veut baisse les bras
Si su out route néna bonpé z’obstacle
Chaque problème néna son solution
L’univers y mette toute en place
Pour qu’y serve a ou d’leçon

Partout oussa ou va alé
Et qu’importe ce que ou devra fait
Fais a li du mieux qu’ou peut
Fais ensorte qui rende les gens heureux
La roue va tourne du bon coté

Papillon la lampe

Na défois mi lé en colère sanm’ li  pour des futilités
Mais si li tombe malade sera a mwin même premier
Pou pléré

Depuis temps p’tit li la soigne a mwin
Ma la jamais manque rien
Même si défois navé point l’argent
A mwin ek mon ti frère nou té passe toujours avant

Pré-Refrain : 

Si un jour mi perde a mwin
Li sera toujours là
Pou guide mon chemin
Même si un jour mi tombe oté
Li va relève a mwin

Refrain : 

Toujours li di a mwin
A li la lampe a mwin papillon
Alé oussa ou veut mon z’enfant
Ou va toujours retourne coté out momon
Peu importe son défaut
Et peu importe son caractère
Si li té pas là dit a mwin comment
Ou noré poz’ out pied à terre

Navé défoi mi té obeit pas li quand mi té ptit
Mais quand ou lé marmaille ou comprend pas a koz ou lé punit
Zordi mi di a li merci pou l’éducation que li la donne a mwin
Le coup d’ceinture, le coup d’savate zordi la rend’ a mwin service
Sa la jamais tué a mwin

Pré-refrain

Refrain

Un momon dessus la terre néna rienk 1 même
Attend’ pas son z’yeux fermé pou di a li ou aime a li
Pli fort Bondié
Le jour li va alé va rest’ a mwin mon deux z’yeux pou pléré
Mais là-haut mi connait que li va veille su moin
Sera mon ange gardien

Pré-refrain

Refrain