Tout’ sat li té vé sété in garson
Pou vey si li, pou vey si li
Li la krwar télman for bondyé
Ek son dé min li la désiné
Inn ti garson koulèr soley, inn ti garson koulèr safran
Li la parti bényé li la di :
« mon garson souplé vey si mwin
lès pa personn’ rentré »
San konèt’, li la défann’ son papa rentré
Son vi Shiva la anporté
La kolèr Shakti li la déklanshé

Refrain :
É li té dans’ é li té dans’
É lo mond’ té kontinyé détrwi
É li té dans’ é li té dans’
Ziska tank Shiva la ni apèz a li
É li té dans’ é li té dans’
É lo mond’ té kontinyé détrwi
É li té dans’, é li té dans’

Tout’ sat li té vé sété son garson
Son kèr té gro, son kèr té gro
Kan li té gard a tèr li té wa
Son zanfan san vi tèr laba
É sé la ke Shiva la konpri
Li la anvoy’ son larmé alé rodé dan la foré
Lo promyé zanimo zot té trouv’ falé ramné
Par shans’ inn ti léléfan
Zot la trouvé an pasan
Zanfan koulèr safran la ropran vi

Refrain :
É li té dans’ é li té dans’
Avek son ti souri koté li
É li té dans’ é li té dans’
Son papa sé Shiva li la konpri
É li té dans’ é li té dans’
Astèr an promyé fo pri ali
É li té dans’, é li té dans’
Devan Shiva èk Shakti

Shiva peroumal unthan tantai allavo
Parvati amma unthai allavo
Mushika vahana namah namah om
Om gan ganapatayé namah om